Mir sind schwungvolli Enthusiaschte, wo eifach gern gönd go singe.

Es söll Spass mache, Gsellig sii und vorallem e Glegeheit büüte, eifach

abzschalte vom Alltagstrott.

 

Es singed 11 Manne und 7 Fraue im Chor Braunau.

Devoo sind

  - 4 Fraue im Sopran 

  - 3 Fraue im Alt

  - 6 Manne im Tenor

  - 5 Manne im Bass

 

Üsen Dirigent isch dä Lenin Zavaleta Chavez, en uusbildete Musiker

von Peru und Argentinie, wo mit de Familie z St.Galle wohnt.

 

Es isch üüs au wichtig, noch de Probe de Durscht go lösche und

mol es Jässli z chlopfe. Eimol im Monet gömmer uuserhalb vo Braunau

üsi Sponsor-Restaurants go berücksichtige.

 

Mir würded üüs über Dini Verstärchig sehr freue.

Singkenntnis sind kei nötig und woher das chunnsch isch gliich.

De Spass am Gsang isch viel wichtiger.

 

Drum meld Di doch oder chumm eifach a die nöchscht Singprobe.

Sie isch immer am Mittwoch Obig abem 8i (20.00 Uhr) im

Schuelhuus Braunau.

Mir freued üüs scho jetzt.

 

En Mitgliederbiitrag gits bi üüs nöd.

Jedes zweite Johr stoht e Chorreis ufem Programm.

Und eimol im Johr organisiered mir Chormitglieder es Grillfäscht für üsi Familiene.

Du froogssch Di wer mir sind